يمكن سمعتوا بالاسم ده بس اسمحولي اعرفكم اكتر :
مدرسة الحب برنامج رمضاني على قناة اقرأ للداعية (( الاستاذ مصطفى حسني))على الساعة 11.20م بتوقيت مكة .......و10.20م بتوقيت القاهرة لكن لا يعتبر مجرد برنامج وخلاص الاستاذ ومن خلال الموقع بتاعوا فاتح طلب الالتحاق و النهار ده صاروا طلبة مدرسة الحب والحمد لله قرابة 6 ملايين ...يهدف الداعية من خلاله تربية طلبة مدرسة الحب على اخلاق النبي وعلى ايدوا زي الصحابة ...في البرنامج او المدرسة نتعلم كل يوم فصل ومن خلاله نتعرف على شخصية من اصحاب النبي وبعد انتهاء الحلقة فيه ضمن الموقع عبر النت اختبار للشخصية (( انت مين فيهم )) حتى تعرف الفرق بينك وبين الشخصية المذكورة : انا رح احاول كل مرة انقل لكم من منتدى الاستاذ مصطفى حسني الجديد في المدرسة وياريت انتو كمان تدخلوا عالموقع ((
www.mostafahosny.com))وتفرحوا النبي
*******************
من المنتدى كتب مصطفى حسني :
السلام عليكم ورحمة الله وبركاته
بشكركم على كل المشاركات اللي بتوصلني على الموقع وعلى فيسبوك...
عايز أشكركم على التشجيع والدعاء اللي انا بشوفه في كل كلمة إيجابية بتكتبوها فعلا بحس ان قلبي بيحيى بكلامكم...
انهارده انا موجود معاكم عشان نُعيد مع بعض افتتاح مدرسة الحب في القرن 21!
مدرسة الحب اللي كلنا محتاجين ندخلها عشان نتخرج منها زي ما كثير من العظماء قرروا انهم يدخلوا مدرسة الحب...العظماء اللي حبوا ربنا سبحانه وتعالى، وحبوا النبي صلى الله عليه وسلم، وحبوا انهم يعيشوا زي ما ربنا سبحانه وتعالى بيحب..
المنهج اللي وضعه سيدنا محمد صلى الله عليه وآله وسلم، وايه اللي كان بيتعلمه كل واحد خد قرار انه يدخل مدرسة الحب...ده اللي هنعرفه ان شاء الله كل يوم في رمضان.
شعارنا السنة دي في رمضان: "كُن عبداً ربانيا". ودي الصفة اللي كانت بتحقق في كل واحد خد قرار انه يدخل مدرسة الحب ويتبرى على ايد النبي صلى الله عليه وسلم..
عايزين ناخد قرار اننا ندخل المدرسة ونتربى على ايد النبي صلى الله عليه وسلم زي ناس كثير كان حلمها انها تتربى على ايد النبي صلى الله عليه وسلم وتعيش زي ما ربنا سبحانه وتعالى بيحب.
عملنا شئ رمزي يثبت نيتنا في حب اننا نتربى على ايد النبي صلى الله عليه وسلم ونعيش زي ما ربنا سبحانه وتعالى يحب...عملنا "طلب التحاق بدرسة الحب". ادخل اكتب اسمك والتحق بالمدرسة. وانا عندي ايمان ان النبي صلى الله عليه وسلم هيشوف اعمالنا وده كلام ربنا سبحانه وتعالى "وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ ..." فأنا متأكد ان النبي هيشوف طلبات الالتحاق دي وهتُعرض عليه- صلى الله عليه وسلم- زي ما بتُعرض على ربنا. ويا سلام لما تبقى الآف من طلبات الالتحاق بتقول اننا كلنا نفسنا نبقى "عبدا ربانيا".
يا فرحة النبي صلى الله عليه وسلم!! ويا فرحة ربنا سبحانه وتعالى ومباهاة ربنا للملائكة بكل وحد نفسه يكون زي ما ربنا أمرنا "عبد ربانيا".
يللا سجل اسمك عشان تكون جنب سيدنا أبو بكر، وسدينا عمر، والسيدة فاطمة بنت النبي صلى الله عليه وسلم، يللا عشان تبقى جنب محمد الفاتح وأسماء بنت أبي بكر وجنب الإمام الغزالي اللي كلهم دخلوا مدرسة الحب وكلهم اتخرجوا منها عباد ربانيين.
يللا اكتبوا اسمائكم واطبعوا الطلب من على الموقع ووزعوه عشان ندخل كلنا مدرسة الحب ونكون كلنا "عبدا ربانيا"...
للاطلاع على طلب الالتحاق بمدرسة الحب اضغط هنا
لمشاهدة فيديو شرح الالتحاق بالمدرسة اضغط هنا
صلوا على سيد المُعلمين...
أخوكم
مصطفى حسني
************
اتمنى تخشوا وتفرحوا النبي انتو كمان بانتظار ذلك
صلوا عالنبي والسلام عليكم
اختكم حنين للتقوى
من طرف 
